Croeso i Ganolfan Gymuned Carreglefn. Yn hanesyddol mae’r Neuadd Gymuned wedi bod yn gartref i ystod eang o weithgareddau cymunedol yn cynnwys partïon plant, cyngherddau, Ffeiriau Nadolig, cyrsiau, gyrfaoedd chwist, cyfarfodydd Clwb y Cen, cyfarfodydd Cyngor Cymuned, nosweithiau Bingo a llawer mwy. Gyda’r newid yn nefnydd yr adeilad, oherwydd cau Ysgol Gymuned Carreglefn, mae pennod newydd yn hanes yr adeilad ar droed. Ein gobaith yw y byddwch hefo ni pob cam o’r ffordd ac hefo eich cefnogaeth y bydd modd datblygu’r Ganolfan yn ‘Feniw’ aml bwrpas ar gyfer ein cymuned ac ardaloedd cyfagos. Tybed pwy fydd y pâr cyntaf i briodi yma?!
Y Tîm
ADRIAN PARRY (Cadeirydd)
JENNIFER RAFFLE (Ysgrifennydd)
ANN LEWIS (Trysorydd)
LLINOS LEWIS (Is-drysorydd)
JEFFREY AMOS
HELENA BURROWS
HUW JONES
SIONED JONES
CARYS LISK
EIRIAN LEWIS
SHARON OWEN
Dewch i Ymuno â Ni yn Ffair Hydref Canolfan Gymuned Carreglefn!
Yn dilyn llwyddiant ysgubol ein Ffair Wanwyn gyntaf, rydym yn falch iawn o gyhoeddi y bydd Ffair Hydref Canolfan Gymuned Carreglefn yn fwy ac yn well nag erioed!
P’un a ydych yn chwilio am gynnyrch lleol blasus, anrhegion Nadolig unigryw, neu’n awyddus i fwynhau diwrnod braf gyda theulu a ffrindiau, bydd rhywbeth at ddant pawb.
Bydd ymwelwyr yn gallu mwynhau:
- Blasu bwyd a diod
- Dewis gwych o gynnyrch lleol
- Gwerthiant planhigion
- Stondinau crefft gan grefftwyr a chynhyrchwyr lleol
- Cyfle gwych i ddechrau eich siopa Nadolig wrth gefnogi busnesau a chynhyrchwyr lleol
Mae’r stondinau’n profi’n hynod boblogaidd, gyda naw eisoes wedi’u harchebu gan gymysgedd gwych o gynhyrchwyr bwyd lleol, crefftwyr a garddwyr. Os hoffech arddangos a gwerthu eich cynnyrch eich hun, mae stondinau ar gael o hyd am £15 yn unig. P’un a ydych yn cynhyrchu bwyd cartref, cyffeithiau, diodydd, planhigion, crefftau neu gynnyrch lleol o safon, byddem wrth ein bodd yn eich croesawu.
Yn ogystal â phori’r stondinau, bydd cyfle i ymwelwyr fwynhau amrywiaeth o gystadlaethau cyfeillgar sy’n dathlu’r gorau o gynnyrch cartref a thyfiant lleol. Bydd y categorïau’n cynnwys:
- Y Diod alcohol Ffrwythau Gorau
- Y Jam Ffrwythau Gorau
- Y Siytni Gorau
- Y Deisen Victoria Orau
- Llusern Bwmpen Orau (Plant)
Mae Cystadleuaeth Llusern Bwmpen y Plant eisoes wedi ennyn cryn gyffro, ac rydym yn edrych ymlaen yn fawr at weld creadigrwydd y plant. (Cofiwch, os gwelwch yn dda, y dylid dod â’r llusernau wedi’u cerfio ymlaen llaw ac nid eu creu yn ystod y ffair.)
Dangosodd ein Ffair Wanwyn faint o dalent, creadigrwydd ac ysbryd cymunedol sydd yn ardal Carreglefn, ac rydym yn edrych ymlaen at groesawu hyd yn oed mwy o ymwelwyr y tymor hwn. Dewch draw i gefnogi cynhyrchwyr lleol, mwynhau awyrgylch gymunedol gyfeillgar, ac efallai gadael gyda rhai anrhegion Nadolig cynnar a digon o ddanteithion lleol.
Edrychwn ymlaen at eich croesawu!
Eich llais
Mae eich barn yn bwysig i ni ac rydym bob amser yn falch o dderbyn sylwadau cadarnhaol yn ogystal â rhai adeiladol er mwyn ein galluogi i gynnig y gwasanaeth/profiadau gorau posib. Gallwch ddewis i gwblhau holiadur ar lein neu drwy gwblhau copi caled a’i ddychwelyd atom. Mae modd i chi argraffu copi caled o’r holiadur ar y dudalen hon. Gweler y blwch sydd ar y dde.
Hoffem fanteisio ar y cyfle hwn i ddiolch i chi am roi o’ch amser i gwblhau holiadur. Fel y crybwyllwyd yn barod mae eich hadborth o fudd mawr i ni, nid yn unig fel sail i welliannau angenrheidiol ond hefyd i adrodd yn ôl i fudiadau penodol ynglŷn â llwyddiant gweithgareddau â ariannwyd ganddynt ar ffurf grant.
EICH ADBORTH
- Holiadur i’w argraffu (sgroliwch i lawr am y fersiwn Saesneg)
- Holiadur ar lein – Cymraeg
- Holiadur ar lein – Saesneg
Dyma’r tro cyntaf i ni fentro holiadur ar lein, os da chi’n cael trafferth plîs rhowch wybod i ni drwy e-bostio cyswllt@carregefn.org .
Cewch wybod am ganlyniadau pob arolwg ar y dudalen newyddion ac mae’n fwriad gennym hefyd adrodd yn ôl i chi yn union be rydym wedi ei wneud i ymateb i’ch adborth.