Mae’r Neuadd Gymuned wedi croesawu nifer o weithgareddau a digwyddiadau dros y 30 mlynedd olaf ond gyda’r newidiadau i ddefnydd Hen Ysgol Gymuned Carreglefn ‘rydym yn awyddus iawn i ehangu’r defnydd o’r Ganolfan ac i ddenu mwy o fudiadau lleol a busnesau i wneud defnydd o’r adnodd penigamp hwn.  Yn barod mae un o’r dosbarthiadau sef ‘Stafell Alaw wedi ei hadnewyddu ac mae erbyn hyn yn addas ar gyfer cynnal sesiynau hyfforddi, cyfarfodydd busnes, sesiynau rhannu gwybodaeth ayb. Mae’r ganolfan yn cynnwys neuadd fawr, dwy ystafell bwyllgor/ddysgu a chegin broffesiynol. Mae’r adeilad yn cynnig ystod o gyfleusterau cyfoes. Yn y neuadd fawr, ceir llwyfan symudol, taflunydd, system sain, a phiano. Bydd WiFi  ar gael drwy’r adeilad o fewn y misoedd nesaf. Cewch holl wybodaeth ar gyfleusterau’r adeilad a manylion llogi yma.

Am fwy o wybodaeth neu os hoffech drafod eich anghenion penodol, cysylltwch â ni.